Saturday, December 21, 2013

Mutual Fund: தேர்ந்தெடுப்பது எப்படி? -2

இந்தக் கட்டுரையில் Mutual Fundகளை தனிப்பட்ட முறையில் எவ்வாறு அளவிடுவது என்று பார்ப்போம்.

சென்ற கட்டுரையில் நிறுவனங்கள் சாராது நமக்கு தேவையான  Mutual Fund எப்படி தேர்ந்தெடுக்க என்று பார்த்தோம். இது ஒவ்வொருவர் தேவைக்கு தகுந்து மாறுபடும். இதனால் கடந்த பதிவைப் பார்த்த பிறகு இந்த கட்டுரையை தொடர வேண்டுகிறேன்.

கடந்த பதிவை இந்த இணைப்பில் பார்க்கலாம்..

இனி நிறுவனங்கள் சார்ந்து பரஸ்பர நிதியை எவ்வாறு தேர்ந்தெடுக்க என்று பார்ப்போம்?

கட்டணங்கள்:


பல சிறு முதலீட்டாளர்கள் பரஸ்பர நிதியில் முதலீடு செய்யாமல் பங்குச்சந்தையில் நேரடியாக முதலீடு செய்வதற்கு இந்த கட்டணங்கள் ஒரு முக்கிய காரணம். இவை கொஞ்சம் அதிகமான அளவிலே உள்ளது. அரசு இதனை முறைப்படுத்த முயலுவதாகவும் ஒரு பேச்சு உள்ளது.

பரஸ்பர நிதியில் entry load, exit load, administration fees, promotional material என்று பல கட்டணங்கள் இருக்கிறது. இது பார்க்க இந்திய அரசு பல விதங்களில் வசூலிக்கும் வரிகளைப் போல் இருக்கும்:).

இதனை ஒவ்வொன்றாகப் பார்ப்போம்.
entry load - இது நிதியினை வாங்கும் போது உள்ள கட்டணம்
exit load - இது நிதியினை விற்கும் போது உள்ள கட்டணம்.
administration fees - இது நிதியினை மேலாண்மை செய்வதற்காக உள்ள கட்டணம்.
promotional material - இது நிதியினை பிரபலப்படுத்த உள்ள கட்டணம்.

இன்னும் என்னென்ன கட்டணங்கள் உள்ளது என்று நமக்கே தெரியாமல் இருக்கலாம். ஆனால் இந்த மொத்த பிடித்தங்களை management expense ratio என்ற மதிப்பு மூலம் எளிதில் அறிந்து கொள்ளலாம். இந்த மதிப்பு குறைவாக இருந்தால் நல்லது. அதிகமாக இருந்தால் கொஞ்சம் ஒதுங்கி விடலாம்.

நிதி மேலாளர்:

பரஸ்பர நிதியில் நிதி மேலாளர் முக்கிய பங்கு வகிக்கிறார். இவரது முடிவுகள் தான் பலரது முதலீடைத் தீர்மானிக்கின்றன. அதனால் இணையத்தில் இவர் நிர்வகித்து வரும் மற்ற நிதிகள் எப்படி செயல்படுகின்றன? என்பதைப் பார்த்து முதலீடு செய்யலாம்..

நிதி அளவு:

பொதுவாக பரஸ்பர நிதிகள் நூறுகளின் அல்லது ஆயிரம் கோடிகள் என்று பெரிய அளவில் இருக்கும். இதில் பெரிய அளவு நிதிகளைக் கொண்டிருக்கும் பரஸ்பர நிதிகள் கொஞ்சம் பாதுகாப்பானவை.

ஏனென்றால் சிறிய அளவு நிதிகளில் ஏதேனும் பெரிய அளவில் உள்ள முதலீட்டாளர் விலகி விட்டால் மற்ற சிறு முதலீட்டாளர்கள் கடுமையாகப் பாதிக்கபடுவார்கள். ஆனால் பெரிய அளவு நிதிகளில் இந்த விலகல் என்பது குறைவான தாக்கத்தையே ஏற்படுத்தும்.

இன்னும் சில அளவுகோல்கள் உள்ளன. கட்டுரை பெரியதாகி விட்டதால் அடுத்த பாகத்தில் விவரிக்கிறோம்.

கட்டுரை பயனுள்ளதாக இருந்தால் உங்கள் கருத்துகளைப் பகிருங்கள்..தொடரை உற்சாகமாக தொடர்வதற்கு உதவும்..

தொடர்ச்சியினை இங்கு பார்க்கலாம்..
Mutual Fund: தேர்ந்தெடுப்பது எப்படி? -3

English Summary:
How to select mutual fund investments from so many in the list? Management, Fund size, Payment fees are playing key roles in mutual fund selection.



AROUND THE WEB


முதலீடைத் தொடர...

Email: muthaleedu@gmail.com

மின் அஞ்சலில் கட்டுரைகளைப் பெற

முதலீடு கட்டண சேவை
பங்கு பரிந்துரைகள், ம்யூச்சல் பண்ட் பரிந்துரை, பென்னி பங்குகள் பரிந்துரை
STOCKCALCULATION.COM
Stock Valuation, PE, PB, Debt, Dividend Calculators in convenient way

No comments:

Post a Comment